登綠號 PrePre-Camp (26-27/6)

唔可以輸比好男人冰冰！我又打一篇先～～
＝＝＝＝＝＝＝＝＝＝＝＝＝＝＝＝＝＝＝

字姐姐。。。我地無忘記你呀～你放心。你走左我地重提住你個名架！

我起個ＣＡＭＰ入面無訓覺，因為我真係唔覺得眼訓。我好中意同大家傾計、聽大家講野，所以成晚我都好興奮。我真係有好多野想同你地講。好想快Ｄ了解你地每一個人，都想你地知我係個點既人。由CO-HOUSE果日計起，我地相識左２０日。我想講：

我覺得自己好好彩入左ＧＲＮ　ＨＳＥ。因為呢個ＨＳＥ好ＷＡＲＭ。因為呢個ＨＳＥ既ＨＳＥ　ＣＡＰ個個都好認真。因為呢個ＨＳＥ既組爸媽個個都好有心。因為呢個ＨＳＥ有好多人都唔計較付出，都係想成頭家好。如果我唔係入左登綠號，我未必有咁開心。

我唔似大家咁聰明。我唔識比有建設性既意見，我無創意，我唔識搞氣氛，我又搬唔到重野，我唔係一個好識得同全世界玩得好埋既人。我只可以將勤補拙，盡量做多Ｄ野，唔識就問。我個人極度感性唔理智，所以只係可以好努力咁去了解你地每一個。

我好中意單獨同你地每一個溝通。但我個人都好被動＝Ｗ＝。。。所以你地唔介意既就多Ｄ搵我啦～＝０＝呵。有咩都可以同我講！我係一個咩都講既人，所以有唔少人同我傾計會嚇親。（哇，你咁都講比我聽？）我講真，你地就算有野唔中意我都可以直接同我講。我係好想好想你地將我唔好既野話比我知。我絕對絕對唔介意。

就黎分組啦。記住我地分左組都係一家人。＝］