我聽日要改jupas prior，今日上網check左d figures。我愈睇愈知道自己之後應該去台灣升學。如無意外，我應該係咁行條路架啦！
我講真．．我最唔捨得既就係你地．．其實我唔係好甘心就咁走左，咁我同你地之間既關係點算呢？比我揀，可以既話，我都盡量想留o係度。我知道一個人真係好唔容易，我做呢個決定都唔容易。我會諗，我脫離左你地既生活，你地會唔會以後都廢時理我？又或者我已經變得同你地好唔同，會唔會變得無法相處？不過，點都好，我真係真係十萬個感恩有你地呢班朋友。（對唔住．．超無用，打到呢到喊左）你地真係真係好好好好好好。你地係我人生裡面最美好既禮物。不過，天下無不散之宴席。呢句野好老土，但係好真。只有o係天下以外既空間，即係天家，先可能永遠相聚。我地都好清楚，世界真係唔完美，甚至乎好令人討厭。不過我真心覺得你地係世界上難得美麗既野。放手。我地都要學識放手。請你地祝福我。我地相遇相聚都係緣。我好用力咁珍惜一齊既時間。我知道我唔會後悔。多謝你地參與我既人生。我一定一定一定唔會忘記你地。（大喊）你地比我既野好多好多，已經好夠。或者我走，就唔洗再欠你地更多野。我真係好愛你地。要放手好痛好痛，無人唔想永遠都唔洗分開。但係人大個左就要識得去擁抱更大既世界。大家記住，一定要笑住分開。至少最後一幕見到既係對方既笑容。好愛好愛你地。我唔知點樣表達我有幾珍惜你地。好愛好愛，仍然未足以表達。點都好．．以後大家加油。同埋，請你地至少o係心裡面留一個位置比我。一個角落頭都好。呢個係我自私既請求。我好希望我o係你地既生命裡面係有價值既。
真係無諗過會打咁多野同打左呢d野。不知不覺就．．．
請你地為我祈禱。無論去到邊都要愛主，要活出主既愛，到老都唔偏離。一個人撐真係會面對靈命上既大挑戰，可能被打沈。但係我會好努力好努力，直至我證明到我無白費今日選擇離開你地既犧牲。
或者有一日，我真係變成一個對你地唔再重要既角色。唔緊要，只要你地有盡力珍惜過我，我就好感激你地。係咪真係可以做一世朋友？對唔住，對於呢個問題，我從來都係極無信心。不過回憶夠陪我行一世既路。
唔打lu．．愈打愈多．．你地明白就夠。
諗起林宥嘉首歌〔神秘嘉賓〕。送比你地。或者我以後聽呢首歌都會喊餐飽。我已經將呢首歌認定為我地既歌。只要聽呢首歌，我就會諗起你地，一定會。
聽下..你地係我既 神秘嘉賓
沒有留言:
張貼留言